Indicacións

INDICACIÓNS PARA A RECENSIÓN EN VÍDEO (booktube) DE ENSAIO

1. Le comprensivamente a rúbrica de avaliación, para saber que aspectos serán avaliados e como debes facer a gravación.

2. Prepara un guión previo, pero non teñas nada contigo, salvo o propio libro de lectura.

3. Sitúa o móbil a unha distancia suficiente como para que non teñas nada cerca túa que poidas ler.

4. Realiza unha gravación (5 minutos) procurando que non haxa interveferencias, pois non debes interromper nin dividir en partes esa gravación.

5. O teu discurso, o que digas, debe seguir unha orde, debe ter unha estrutura, a partir deste guión:

Introdución. Contextualización da obra
- Información arredor do autor/autora e do momento en que foi escrita
Desenvolvemento. Análise da obra
- Partes en que se divide a obra (Breve explicación de cada parte)
- Emisor/a (exemplificado con algunha cita do texto)
- Destinatarios/as (breve xustificación)
- Estrutura interna (hipótese, argumentación e tese final)
- Asunto central da obra. Temas e subtemas.
- Crítica e propostas
Conclusión. Interpretación da obra
- Importancia do que conta
- Relación coa realidade
- Interese para o/a lector/

IMPORTANTE: En caso de mostrar evidencias de non ter lido a obra, a avaliación será SEN FACER (0)

Rúbrica para avaliar o booktube

Rúbrica para avaliar a recensión dun ensaio en vídeo (booktube)
	MOI BEN	BEN	SUFICIENTE	INSUFICIENTE
PRESENTACIÓN (xestualidade, postura...)	Saúda, preséntase de forma adecuada e indica a lectura realizada. Mantén unha postura adecuada. Os seus xestos non denotan nerviosismo. Olla directamente a cámara desde unha distancia adecuada. (1)	Saúda, preséntase de forma adecuada e indica a lectura con vacilacións. Mantén unha postura adecuada, aínda que os seus xestos denotan certo grao de nerviosismo. Olla a cámara, aínda que non sempre, e garda unha distancia adecuada. (0.75)	Saúda pero ou non se presenta de forma adecuada ou non indica de que lectura se trata. Mantén unha postura adecuada durante case toda a exposición pero os seus xestos denotan bastante nerviosismo. Non é quen de manter a ollada a cámara ou non garda a distancia adecuada. (0.50)	Non saúda nin se presenta ou faino de forma inadecuada e tampouco indica a lectura. Mantén unha postura inadecuada e os seus xestos denotan un alto grao de nerviosismo. Case non mira a cámara, semella ler ou reproducir algo memorizado. Non garda a distancia adecuada. (0.25)
CONTEXTUALIZACIÓN (autor, época, xénero…)	Contextualiza o texto de maneira clara e concisa. (1)	Contextualiza o texto de forma adecuada pero con vacilacións . (0.75)	Contextualiza o texto pero non adecuadamente. Falta información. (0.5)	Contextualiza mal o texto. Falta moita información ou comete erros. (0.25)
COMPRENSIÓN LECTORA (estrutura, asunto, tema, destinatarios...))	Achega información pertinente. Os seus coñecementos sobre a lectura son profundos e desenvólvese con soltura. (3)	Non achega información pertinente nalgún dos apartados; se ben, os seus coñecementos sobre a lectura son bos e desenvólvese nela con soltura . (2.25)	Non achega información pertinente en 2 dos apartados. Os seus coñecementos sobre a lectura son bos aínda que non se desenvolve nela con soltura. (1.5)	Non achega información pertinente en máis de 2 dos apartados; os seus coñecementos sobre a lectura son escasos e non se desenvolve con soltura . (0.75)
PROPIEDADES TEXTUAIS (adecuación, coherencia, cohesión, riqueza léxica…)	Organiza a exposición de modo que garante plenamente a coherencia e a cohesión textuais. Emprega un vocabulario rico, variado, preciso e adecuado. (2)	Organiza a exposición de modo que garante a coherencia e a cohesión textuais. Emprega un vocabulario variado e adecuado ao tema. (1.50)	Organiza a exposición de modo que non garante plenamente a coherencia e/ou a cohesión textuais. Emprega un vocabulario variado pero impreciso. (1)	Organiza a exposición de modo que non garante en xeral a coherencia e a cohesión textuais. Emprega un vocabulario pobre e impreciso, non adecuado. (0.50)
EXPRESIÓN ORAL (pronuncia, fluidez, claridade expositiva, corrección lingüística…)	Fala amodo e con total claridade durante toda a exposición. Non comete interferencias lingüísticas e emprega adecuadamente estruturas e/ou formas características do galego . (1)	A maior parte do tempo fala con claridade. Comete puntualmente algunha interferencia lingüística, que corrixe e/ou emprega adecuadamente estruturas ou formas propias do galego . (0.75)	Exprésase con suficiente claridade. Comete interferencias lingüísticas que non corrixe e non emprega formas características do galego . (0.50)	Exprésase con bastante dificultade. Fala rápido e/ou case non se lle entende. Comete interferencias lingüísticas que non corrixe e non emprega formas propias do galego . (0.25)
COMPETENCIA DIXITAL (gravación, edición, envío...)	Realiza unha boa gravación (tanto visual como do audio), á distancia adecuada, sen interferencias. Edita moi ben o vídeo (con outros recursos). Envía o arquivo vía correo-e de xeito adecuado. (1)	Realiza unha boa gravación (tanto visual como do audio), á distancia adecuada. Edita moi ben o documento audiovisual. Envía o arquivo vía correo-e de xeito adecuado. (0.75)	Realiza unha boa gravación. Non edita o documento audiovisual ou non envía o arquivo vía correo-e de xeito adecuado. (0.50)	Realiza a gravación con problemas no audio e/ou visuais ou con cortes e interrupcións. Non edita o documento audiovisual ou envía o arquivo de calquera xeito. (0.25)
TEMPO (5 minutos)	Utilizou todo o tempo destinado á presentación e desenvolveu todos os puntos previstos. (1)	A duración da exposición foi lixeiramente superior/ inferior, pero desenvolveu todos os puntos. (0.75)	A duración foi bastante superior/ inferior ou non desenvolveu algún dos puntos previstos. (0.50)	A duración da exposición foi moi superior/inferior e deixou 2 ou máis puntos sen tratar. (0.25)

Actividade
Nome
Data
Puntuación
Notas
Reiniciar
Imprimir
Aplicar
Nova ventá