Despois de dúas semanas traballando arredor da Declaración Universal dos Dereitos Humanos, chegou o momento de dar resposta á pregunta que nos faciamos ao inicio: Temos dereitos?  Ímolo facer desenvolvendo un proxecto para crear o produto final que cumpra o reto presentado nesta Situación de Aprendizaxe, contextualizada no 10D. Ese produto final será un libro multilingüe que expoña os 30 dereitos recollidos na DUDH fronte ao seu incumprimento no mundo actual. Para iso deberás realizar as seguintes tarefas, paso a paso.

1. Le os 30 artigos que recollen os Dereitos Humanos, neste libro ilustrado .
2.  Por orde de lista, escolle os 5 dereitos que che correspondan , nesta páxina.
3. Traduce eses dereitos ao portugués, ao catalán e ao castelán, coa axuda deste tradutor. (Do éuscaro encargarase a docente).
4. Escolle 5 noticias que demostren o incumprimento de cada un deses dereitos, neste kiosko dixital.
5. Crea en Canva unha presentación de 10 diapositivas nas que recollas:

• en cada diapositiva impar cada un dos artigos da DUDH coa súa versión nas catro linguas 
• en cada diapositiva par cada imaxe, portada de xornal ou noticia que evidnecien o incumprimento dese artigo

6. Comparte esa presentación coa persoa docente para que poida editala, reunindo nun único libro o labor realizado por ti e o resto de compañeiras e compañeiros.