As actividades autónomas son actividades para realizar fóra da aula e fóra do horario lectivo. Trátase de dous modelos distintos de actividades, das que o alumnado escollerá unha. A primeira delas será responsabilidade exclusiva do alumnado, mentres que a segunda desenvolverase ao longo dos meses de novembro-decembro, no centro, baixo a coordinación da persoa docente.

A finalidade das mesmas é a creación do produto final da situación de aprendizaxe. Para o cal, o alumnado realizará a lectura da obra de Castelao, Cousas, e preparará o relato creado na primeira secuencia didáctica para a súa presentación e participación no Certame Artístico Cousas. En caso de que non desexe presentar o relato ao Certame, deberá participar como grupo de traballo na organización do certame e na entrega do premio. 

Para chegar a ese produto final o alumnado poderá escoller entre as dúas OPCIÓNS que se propoñen a continuación.