Conciencia cultural galega: Tamén chamada pangaleguismo, é a defensa das formas e valores da conciencia cívico-cultural galega dentro e fóra dos lindeiros da Galiza territorial. A palabra foi acuñada en 1918 no contexto das Irmandades da Fala por Antón Villar Ponte para referirse á consolidación nacional e máis á expansión internacional da identidade galega. O concepto veu sendo empregado por diversos intelectuais galegos desde entón, facendo referencia á cuestión da dualidade da identidade galega (Galiza + diáspora galega) ou relacionándoo con outros termos como galaicidade (termo acuñado por Valentín Paz-Andrade), galeguidade (no senso que lle daba Ramón Otero Pedrayo) e galusofonía.

FONTE: Galipedia