Saltar navegación

ACTIVIDADE AUTÓNOMA

ACTIVIDADE AUTÓNOMA

As actividades autónomas son actividades para realizar fóra da aula e fóra do horario lectivo. Trátase de dous modelos distintos de actividades, das que o alumnado escollerá unha. A primeira delas será responsabilidade exclusiva do alumnado, mentres que a segunda desenvolverase ao longo dos meses de outubro-novembro, no centro, baixo a coordinación da persoa docente.

A finalidade das mesmas é a creación do produto final da situación de aprendizaxe. Neste caso, a través destas actividades, cada alumna e alumno realizará ou un booktube ou unha reportaxe que levará por título Somos diverSOS.

Para chegar a ese produto final o alumnado poderá escoller entre as dúas OPCIÓNS que se propoñen a continuación.

OPCIÓN 2

A través desta actividade o alumnado deberá reflexionar sobre a diversidade lingüística e cultural, mais tamén individual e colectiva. Para despois realizar unha reportaxe na que dea resposta á pregunta presentada inicialmente, "E ti como falas?"

O produto final da SA4 consiste na creación dese documento audiovisual que recolla unha entrevista a unha persoa de Rianxo e unha análise da lingua utilizada pola persoa entrevistada. Ademais deberá acabar cunha reflexión arredor dos perigos que corre a diversidade. Polo tanto trátase dunha reportaxe que constará de tres partes.

PASOS A SEGUIR:

  1. Deberás preparar unha entrevista servíndote dos contidos traballados na SA (Como falas?, Usas variedades propias de Rianxo?, Que opinas do galego que falas?, Cal cres que é o "bo galego"?, Que opinas da normativa oficial?...)
  2. Deberás analizar a lingua usada pola persoa entrevistada, servíndote das tarefas realizadas ao longo da SA, e comentala na túa reportaxe.
  3. Terás que engadir unha reflexión como peche da reportaxe arredor dos perigos que rodean a diversidade lingüística e cultural.

Feito con eXeLearning (Nova ventá)